Haec pagina emendata est
Delenit usus, nec Falerna
Vitis, Achæmeniumque costum ;
Cur invidendis postibus, et novo
Sublime ritu moliar atrium ?
Cur valle permutem Sabina
Divitias operosiores ?
Angustam amice pauperiem pati
Robustus acri militia puer
Condiscat, et Parthos feroces
Vexet eques metuendus hasta,
Vitamque sub divo et trepidis agat
In rebus. Illum ex mœnibus hosticis
Matrona bellantis tyranni
Prospiciens, et adulta virgo
