fines Romanorum irrupit. Verum innoxius reque infecta sese domum recepit: quod ita accidit Anatolius militum per Orientem magister, Quem unum Theodosius Aug. legatum ad Persas proficisci iusserat, cum proxime eorum exercitum venisset, ex equo desiluit, et pedibus ire solus perrexit ad Vararanem. Hic hominem conspicatus, ex astantibus scitari, quis ille qui sic accederet? Tum ii, Magistrum esse illum militiae Romanae dixerunt Percussit Regem eximia observantia, impulitque ut flexum illico equum retro concitaret, Persis sequentibus universis. Ubi pedem in solo posuit suae ditionis, tum demum perhumaniter ad conspectum suum admisit oratorem, et pacem ea conditione, qua Anatolius petebat, concessit, ut neutra gens in suo solo prope fines alterius novam ullam munitionem extrueret. Quo rite praestito, liberum in utroque Imperio cursum res habuere.
3. Post haec Rex Persarum Perozes cum Ephthalitis Hunnis, quos Albos vocant, de regni finibus aggressus bello contendere, exercitum contra illos florentem duxit. Porro Ephthalitae et genus et nomen Hunnorum participent; licet cum Hunnis, quos novimus, nullum ipsis com-
