Migne Patrologia Latina Tomus 121
Carmina
Liber de habitu clericorum
Liber de habitu clericorum (Leovigildus Cordubiensis), J. P. Migne 121.0565B
Liber de habitu clericorum
121.0565B| Eximiis atque almificis clericis, Christo Domino sub tuitione beati Cypriani pontificis, seu martyris deservientibus, Leuvegildus vester ubique sequipeda.
Cum in aliquibus clericis fatuitatem vestra reperiret serenitas, et ab Ismaelitis oppressionem per universam Hesperiam Christicolarum cerneret, defuit alacritas per quam discernere quivissent auctoritatem habitus clericorum. Quem aliqui tantum ad compositionem corporis eorum antiqui Patres putaverunt exercere, et necnon mystice in exemplo fidelium unamquamque speciem nostris obtutibus reserare; placuit clementiae vestrae, cum supereminere Dei Ecclesiam in nostris partibus aspicere gentilium saeva crudelitas, et ne disputando nobiscum liquidius pro habitu hujus ordinis nostra aliquatenus lacerata fuisset simplicitas, me ordinare expositum significationes clericorum habitum, et exarare; et quidquid monitis Patrum de his officiis recolo, antequam plenius a nostris dilabamur sensibus recitare, 121.0565C| ut qui ex nobis ad remanentes doctores imbecillitate corporis praepediente dirigere gressus nequiverit, aut quem aut inquisitio, vel census, vel vectigalis, quod omni lunari mense pro Christi nomine solvere cogimur retinuerit; saltim nocturno tempore inter ecclesiastica munia qui necessarium 121.0566B| duxerit legat, ne forsan ignorando mysterium habitus sui, quispiam specimen impiorum induat, et habitudines infidelium, in quibus nulla est sapientia, imitetur. O quam pia excellentiae vestrae fuit devotio, si imperato de talibus inesset apta locutio! quis mysterium habitus sacerdotum sine titubatione audebit proferre! aut mysticum expositionis ejus patefacere absque pavore! Melius mihi erat hoc opus a vobis audire caute, quam de eo hominibus sermonem proferre incaute. Et nisi certe recolerem veridica dicentia Domini mei monita: Aperi os tuum, et ego adimplebo illud (Psal. LXXX, 11). Et: Non vos estis qui loquimini, sed Spiritus Patris vestri qui loquitur in vobis (Matth. X, 20): poplitem equidem minime a talia uncinarem. Sed de juvamine divino ob vestram intercessionem cum essem fissus, ad illicita mihi non audacter, sed obedienter salire, vel infleti articulum proclamando, et intentione mentis dicendo, hanc viam justificationum tuarum, Domine, fac ut intelligam (Psal. CXVIII, 27). Hoc 121.0566C| enim quod de quaesitis minoravit mea rusticitas; vestra charissima cudere non repedat sanctitas, compatiendo, cui non pigritiae causa optata implere dimisit, sed adversante delicto segnities menti adhaesit.